موضوع: دة بياخد مصروف من باباه الثلاثاء أكتوبر 11, 2011 10:58 am
السلام عليكم ورحمه الله وبركاته
هيا حاجه بقت بتحصل كتير اوى
وهيا ان الاهل اللى معاهم فلوس وحالتهم الماديه كويسه بقوا بيخلوا ولادهم مش قادرين يتحملوا مسئوليه لما يكبروا
يعنى مثال......
شاب اتخرج من الجامعه والده عامله بيت ومجهزله شبكه العروسه والمهر وكل الحاجات اللى بتنطلب وقت الجواز يتخرج يلاقى كل حاجه جاهزة مش ناقص غير ان بابا كمان يجهزله العروسه
نييجى بقى للمهم لما يتجوز هيصرف عليها منين؟ من مصروف بابا ؟ طيب وهو بابا عايشلك طول العمر مش لازم تعتمد على نفسك عشان مراتك تحس معاك بالامان ازاى هتعلم ولادك فى المستقبل انهم يتحملوا مسئوليه نفسهم وهما عارفين ان انت بتصرف عليهم وعلى بيتك من مصروف بابا
حلو ان الاهل يساعدوا ابنهم فى الجواز بس مش برده انهم يجردوه من تحمل المسئوليه
عايزة اعرف رأى الشباب فى الموضوع ده
هتقبل على نفسك ان ابوك يساعدك فى كل حاجه ويصرف عليك؟
منتديات حلمك 
